السلام عليكم و رحمة الله و بركاته
دي مني ليكم نكت على ذوقي
سمكة وطنية
يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء: تحيا حكومة جمهورية مصر العربية
عامود للإيجار
واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه فاتحين النور فوق
رومانسية
واحد بيقول لمراته عاوز النهاردة حاجة رومانسية
قالتله يعني ايه رومانسية
قاللها مش عارف بس احتياطي انقعي الرز
سمير حسني مبارك !!
واحد ماشي في الشارع بيقول الله يخربيتك يا سمير
أمين شرطة ضربه على قفاه و قاله و كمان مش عارف اسم الريس يا ابن الكلب
سكر...
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
تسريحة
[size=16]كان فيه مرة واحد ماعندوش في راسه غير 3 شعرات بس راح للحلاق
فقال للحلاق افرقلي من الجنب
الحلاق جه يفرق من الجنب اتقطعت شعرة
قاله خلاص افرقلي من النص
الحلاق جه يفرق من النص اتقطعت شعرة
فالحلاق قاله ما بقاش فاضل غير شعرة واحدة
قاله انكشها
أم.....؟
مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المزيعة شكرا يا فندم ويلعن ام البرنامج اللى خلانا نشوف
ام وشك
الحصان
واحد قاعد في أمان الله بيقرا الجرنان، وفجأة جت مراته وضربته بغطا الحلة
فوق دماغه... طرررررخ!!!
الزوج : "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا
الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
أبو العربي
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا ولية هو مفيش حد بيحارب غيرى وللا إيه؟؟؟
خلاص كده خلصت و يا ريت تكون عجبتكم